Facemark MMC olaraq biznes tədbirlərin təşkilatçısıyıq. Təşkil etdiyimiz tədbirlərə “Maliyyə və İnvestisiya Forumu”, “Milli Marketinq Forumu”, “Rəqəmsal Marketinq Forumu”, “Milli İnsan Resursları Forumu”, “Xəzər Su İnnovasiya Forumu”, “UNEC İqtisadi Forumu”, “HR Agenda”, “Vergi və Mühasibatlıq Zirvəsi”, “İnsan Resursları Zirvəsi”, “Təhsil Menecmenti Zirvəsi”, “Səhiyyə Menecmenti Zirvəsi”daxildir. Eyni zamanda, korporativ tədbirlər, networking görüşlər və konfranslar həyata keçiririk.

2019-cu ildə fəaliyyətə başlayan Good Finance şirkəti korporativ müştərilərə çeşidli maliyyə xidmətləri göstərir. Konsaltinq layihələrində müştərilərə təkcə maliyyə xidmətləri deyil, ümumi biznes konsaltinq həlləri də təklif edir. Şirkətin missiyası müxtəlif şirkətlərin maliyyəsinin peşəkar və düzgün idarə olunmasına kömək etməklə dayanıqlı, sağlam və şəffaf maliyyə sisteminə nail olunmasıdır.

Unibank – Azərbaycanın 1992-ci ilin iyul ayında, ilkin olaraq MBank adı altında, təsis edilmiş ən iri özəl banklarından biridir. MBank ilə Azərbaycanın aparıcı banklarından biri olan PROMTEXBANK-ın birləşməsindən sonra, onun adı 2002-ci ilin oktyabr ayının 15-də Unibank-a dəyişdirilmişdir. 

Unibank müştəriyönümlü bank olaraq əsas fəaliyyət istiqamətlərini müştərinin istəkləri, ehtiyacları və rahatlığı üzərində qurub. Müştərinin istəklərindən, tələblərindən irəli gələrək çıxılan bu yol, onu dinləyərək daim inkişafa aparır. 

Unibankın əsas dəyərləri:

— İnnovasiya

— Dayanıqlılıq

— Dürüstlük

— Komanda işi

— Davamlı təkmilləşmə
— Müştəri yönümlü

2010-cu ildə təsis edilmiş "Meqa Sığorta" ASC, peşəkar yanaşma, yüksək etibarlılıq, xidmətlərin keyfiyyəti, fərdi və korporativ müştərilərə təklif olunan geniş çeşidli sığorta məhsulları, həmçinin, qabaqcıl beynəlxalq idarəetmə sistemlərinin tətbiqi nəticəsində Azərbaycan sığorta bazarının liderlərindən biridir. 

“Meqa Həyat” sığorta şirkəti 17.09.2019-cu il tarixində İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsinin Hüquqi şəxslərin dövlət qeydiyyatı idarəsi tərəfindən dövlət qeydiyyatına alınmışdır.

Təklif etdiyimiz həyat sığortası məhsulları:

- İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta

- Fiziki şəxslərə təqdim edilən kredit müqavilələri üzrə borcalanın həyatının ölüm halından və əmək qabiliyyətinin itirilməsi hallarından sığorta

- Həyatın yaşam sığortası

- Müddətli həyat sığortası

- Sağalmaz xəstəliklərdən sığorta

Odoo-nun Qafqaz regionu üzrə ilk və tək rəsmi partnyoru olaraq 5 ildir Azərbaycanda fəaliyyət göstərir. Biznes proseslərinizi idarə etmək,avtomatlaşdırmaq və komandanızın məhsuldarlığını artırmaq üçün müasir ERP həlləri tətbiq edir.

"RAVZA Academy" MMC 2023-cü ilin mart ayından etibarən fəaliyyətə başlayıb. Akademiya Mühasibat uçotu, Vergi qanunvericiliyi, Peşəkar Mühasib Sertifikatı, İnsan resursları, Marketinq və Excel kimi kursları təşkil edir. Kurslar həm onlayn, həm də əyani qaydada keçirilir. Kurslarda nəzəri biliklərlə yanaşı, həm də gündəlik praktikada istifadə olunan bacarıqlar da tələbələrə öyrədilərək, əmək bazarına tam hazır kadr hazırlanılır.

2009-cu ildən fəaliyyət göstərən "Admedia" reklam agentliyi həm Azərbaycanda, həm də beynəlxalq səviyyədə 360 dərəcəli reklam fəaliyyəti ilə məşğuldur. 13 illik təcrübəyə malik olan peşəkar “Admedia” komandası müştərilərə fərdi yanaşır, onları məmnun edir.

“Adviad” – cəmi bir neçə kliklə on müxtəlif platformada eyni vaxtda reklam yerləşdirməyə imkan verən çoxkanallı reklam platformasıdır. Adviad DSP, Yerli Saytlar, Facebook, Instagram, YouTube, Twitter, LinkedIn, Yandex və s. kimi 10-dan çox reklam kanalını vahid interfeysə inteqrasiya edib ki, bu da sizə reklamları real şəkildə planlaşdırmağa, yerləşdirməyə, optimallaşdırmağa və izləməyə imkan verir. Platforma mərkəzləşdirilmiş yerdə icra, kreativ idarəetmə, hədəfləmə və hesabat vermə də daxil olmaqla əlaqələndirilmiş omnikanal kampaniyalarını idarə etmək üçün lazım olan bu imkanların tam dəstini təklif edir ki, bu da marketoloqlara gizli kanal alışını aşmağa və onların marketinqindən böyük istehlakçı təcrübələri və artan biznes nəticələrinə diqqət yetirməyə imkan verir.

-

10 ildən artıq reklam sahəsində fəaliyyət göstərən “Brand Media Groups” şirkəti yüzdən artıq yerli və xarici brendlərin xidmətlərinin tanıdılmasına dəstək olaraq reklam yayımını həyata keçirməkdədir. Şirkət davamlı olaraq reklam məkanlarını monitorinq edir və müştərilər üçün daha çox fayda gətirən məkanlar üzrə reklam yerlərini yeniləyir.

-

5 illik fəaliyyəti ərzində peşəkarlığı ilə tanınan "Fil Agency" qısa müddət ərzində böyük nailiyyətlər qazanaraq kreativlik, punktuallıq və hər brendə xüsusi yanaşması ilə hər zaman fərqlənməyi bacarır.

Marketinq sahəsində 360 dərəcə fəaliyyət göstərən agentliyin xidmətləri aşağıdakılardır:

• Rəqəmsal Marketinq
• Sosial Media Marketinq
• Marketinq Konsultasiyas
• Brendinq və məhsul dizaynı
• Tədbirlərin təşkili və PR xidməti
• SEO xidməti
• Veb sayt və mobil tətbiq
• Video çəkiliş

2008-ci ildə təsis edilmiş MOON GROUP şirkəti mətbəə, promo və reklam məhsullarının hazırlanması sahəsində etibarlılığı ilə ilk ağla gələn şirkətlərdəndir. Şirkətimiz Azərbaycanda müxtəlif sahələrdə fəaliyyət göstərən bir çox dövlət və özəl müəssisələrə xidmət göstərməkdədir. MOON GROUP peşəkar kadr heyəti və müasir avadanlıqlarla təmin olunmuşdur. Eyni zamanda, şirkət Amerika, İtaliya, Fransa, Türkiyə, Rusiya və Çin kimi ölkələrdən Azərbaycana promo məhsulların idxalını həyata keçirməkdədir. 

"Markup" agentliyi şirkətlər üçün fərqli yanaşma ilə veb və marketinq xidmətləri təklif edir.

- Veb Saytların Hazırlanması,
- Dizayn və Brendinq xidmətləri;
- SEO / SEM xidmətləri;
- Mobil Tətbiqlərin Hazırlanması;
- Rəqəmsal Marketinq;
- Sosial Medianın İdarə edilməsi;
- UX/UI Dizayn xidmətlərini həyata keçirir.

MaxGroupPlus Genclik Mall, 28 Mall, Gence Mall-da reklamlarınızın yerləşməsini təmin edir!

Əlaqə:

📱050-396-36-96

📞 055-396-36-96

2009-cu ildən etibarən fəaliyyətdə olan ilk ixtisaslaşdırılmış media satış şirkəti “New Media” müştərilərə müxtəlif məkanlarda banner və LED reklamlar, Google Ads, sosial media reklamları, rəqəmsal strategiya və vebsaytların hazırlanması xidmətlərini təklif edir.

Performance Academy 2022-ci il may ayından etibarən fəaliyyətə başlamışdır. Təhsil sahəsində professional və illərin təcrübəsinə sahib təlimçilərlə əməkdaşlıq edərək, cəmiyyətimizə hazır kadrlar hazırlamaq məqsədilə yola çıxmışıq. Təlim mərkəzimizin əsas fəaliyyət sahələri aşağıdakılardır

• Mühasibatlıq və 1C
• Peşəkar Mühasibatlıq Sertifikasiyasına hazırlıq (PMS)
• ACCA Financial Accounting
• Əmək Məcəlləsi və Kadr Kargüzarlığı, ƏMAS
• İnsan Resursları
• Microsoft Excel
• Sosial Media Marketinq
• Rəqəmsal Marketinq
• Data Analitika
• SQL
• Dizayn

www.mks.az saytı uçot və hesabatlılıq, vergi, insan resursları və audit sahəsində yeniliklərin oxuculara çatdırılmasında, müvafiq müzakirə platformalarının təşkilində operativliyi, məsələlərə kreativ yanaşması, praktiki biliklərə üstünlük verməsi və bir çox digər məziyyətləri ilə oxşar saytlardan fərqlənir. Sayt, təkcə sadalanan istiqamətlər üzrə deyil, ümumilikdə iqtisadiyyatda gedən proseslər, onun nəticələri, fərqli baxış və yanaşmalara da öz səhifələrində yer verir.

"İnnab” 2015-ci ildə Azərbaycanda peşəkar inkişaf platforması olaraq yaradılmışdır. Hazırda “İnnab” brendi altında “İnnab Business School”, “İnnab Karyera Mərkəzi”, “İnstudy Xaricdə Təhsil” komandaları fəaliyyət göstərir. “İnnab Business School” komandası “Mühasibat uçotu”, “Maliyyə”, “Data Analitika”, “İnsan Resursları”, “Satış&Marketinq” və “Menecment” və digər sahələr ilə bağlı ana dilimizdə video dərslərin hazırlanması, məqalələrin yazılması və təlimlərin təşkili ilə məşğuldur.

2016-cı ildən fəaliyyət göstərən “Qmeter” şirkəti Azərbaycan və dünya bazarında müxtəlif sektorlardan olan şirkətlərə xidmət göstərməkdədir. "Qmeter" platforması ilə müştərilərdən birbaşa yerində və ya sonradan SMS, e-mail göndərməklə rəy toplamaq mümkündür.

1news.az xəbər saytı 2007-ci il martın 12-də fəaliyyətə başlayıb. Sayt iki dildə - rus və Azərbaycan dillərində ən mühüm yerli və qlobal problemlər haqqında məlumatları təqdim edir.

2 illik fəaliyyətin ardından öz brendini yeniləyən ARB TV, 19 sentyabr 2016-cı il tarixindən etibarən  yeni  ad və yeni efir konsepsiyası ilə yayımdadır. 

Sosial yönümlü verilişlər, operativ informasiya proqramları, realiti-şoular, müxtəlif mövzulu gündüz  proqramları ARB TV-nin yayım siyasətinin əsasını təşkil edir.

ARB TV-ni bütün ölkə ərazisində açıq yayımda izləmək mümkündür. Telekanal kabel televiziya operatorları vasitəsilə və peyk üzərindən də yayımlanmaqdadır.

“Baku TV” 2018-ci ildə təsis edilmiş internet televiziya kanalıdır. Dünyada və ölkədə baş verən önəmli, aktual və maraqlı xəbərləri Azərbaycan və rus dillərində cəmiyyətə çatdırır.

Kanalın əsas istiqaməti Azəbaycan və dünyanın siyasi, sosial və iqtisadi həyatındakı hadisələri operativ işıqlandırmaqdır. 
“Baku TV” izləyicilərə canlı yayımlar, xəbər süjetləri, müsahibə və araşdırmalar, analitik və müəllif proqramları təqdim edir.

Bizim Yol xəbər portalı Azərbaycandan və dünyadan bütün sahələri əhatə edən xəbərləri öz izləyicilərinə çatdırır. Gündəmin nəbzini tutan xəbər portalında tərəfsiz araşdırma, təhlil, analiz və köşə yazılarını da oxuya bilərsiniz.

"Biznes Mərkəzi" Araz FM-də həftəiçi 5 gün, saat 12:00 - dan 14:00-dək yayımlanır. İllərin layihəsi olduğundan xeyli dinləyici kütləsinə malikdir. Verilişin müəllifi və aparıcısı Rüfət Nadirlidir. Layihədə bütün biznes sahələrindən danışılır, radio debat formatında olan müzakirələrdə iş adamları və biznes sahələri üzrə mütəxəssislərin fikirləri yer alır.

2012-ci ildə yaradılan Marja biznes və maliyyə xəbərləri agentliyi hər gün marja.az domenində ən mühüm iqtisadi xəbərlər və iqtisadiyyata təsir edə biləcək hadisələr barədə məlumatlar yayımlayır. 

Operativ Media 2020-ci ilin 4 sentyabr tarixində fəaliyyətə başlamışdır. Oxucular burada dünyada və ölkəmizdə baş verən ən son hadisələrdən operativ xəbər ala bilərlər.

“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı xəbərləri geniş auditoriyaya təqdim etməkdir. Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı hadisələr barədə operativ xəbərlər, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.

“Report” İnformasiya Agentliyi 2014-cü ildən fəaliyyətə başlayıb. “Global Media Group” holdinqin tərkibinə daxildir. "Report" müstəqil informasiya agentliyi sayt və gündəlik bülletenlər vasitəsi ilə Azərbaycan, rus və ingilis dillərində siyasət, iqtisadiyyat, cəmiyyət, idman, mədəniyyət sahələri üzrə ölkədə və dünyada baş verən ən vacib hadisələri öz oxucularına operativ şəkildə çatdırır.

İqtisadiyyat.az saytı 2019-cü il tarixində, Azərbaycanda ixtisaslaşdırılmış iqtisadi xəbər portalı kimi fəaliyyətə başlayıb. Portal banklar, bank olmayan kredit təşkilatları, sığorta, sosium, avto, marketinq, tender, biznes, əmlak, turizm, İKT, kənd təsərrüfatı, sənaye və nəqliyyat sahələrindəki materialları yayır. İqtisadiyyat.az-ın əhatə dairəsi sosial platforması ilə daha da genişlənib və xəbərlər operativ şəkildə oxuculara çatdırılır.

Başkent Restoran və Şirniyyat Evi 2004-cü ildən dəyərli müştərilərinin xidmətindədir. Bakı şəhərində Memar Əcəmi, Nəriman Nərimanov, 28 May şöbələri olmaqla 3 restoran və İnşaatçılar şöbəsində isə şirniyyat evi olaraq fəaliyyət göstərir. 

Restoran üçün qonaqların məmnuniyyəti ən vacib pirinsiplərdən olduğu üçün daim xidmət keyfiyyətinin artırılması üzərində çalışır. İş fəaliyyəti boyu daim ixtisas təlimləri keçmiş personal ilə müştərilərin həm istirahət edəcəyi, həm də damaq dadına uyğun yemək çeşidləri ilə zəngin məkanlardan biri olmaqda iddialıdır. 

 İstehsal fəlsəfəsi “tarladan süfrəyə” olan “Azərsun” ildən-ilə fəaliyyət sahələrini artıraraq qida istehsalı, kənd təsərrüfatı, qablaşdırma və kağız sahələrinə aid 30-dan artıq müəssisə istifadəyə verib, bu gün qida sənayesi sektorunda ölkənin aparıcı şirkətlərini birləşdirən böyük bir Holdinqə çevrilib. Şirkətlər Qrupunun müəssisələri tərəfindən istehsal olunan məhsullar Azərbaycanın qida və ərzaq təhlükəsizliyini tam təmin etməklə yanaşı, dünya bazarlarında da satışa çıxarılır ki, bu da ölkəmizin ixrac potensialına mühüm töhfə vermiş olur.

16 noyabr 2022-ci il tarixində “Baku Marriott Boulevard” oteldə ölkəmizin aparıcı şirkətlərinin dəstəyi və iştirakı ilə III Maliyyə və İnvestisiya Forumu 2022 (FIF2022) “Gələcək üçün Yenilən” devizi ilə keçirilib.

Azərbaycanın Maliyyə və İnvestisiya sahəsində ilk forumu olan “Finance and İnvestment Forum” (FIF) öncəki illərdə (2017 və 2018) də keçirilmiş və əsas məqsədi Azərbaycanın maliyyə bazarının mövcud vəziyyətinin təhlili, bu sahədə olan çatışmazlıqlar, onların aradan qaldırılması istiqamətləri və dünyada tətbiq edilən qabaqcıl təcrübələr haqqında təfərrüatlı məlumat mübadiləsi, habelə maliyyə və vergi maarifləndirməsi sahəsində dövlətin həyata keçirdiyi genişmiqyaslı tədbirlərə dəstək olmaqdan ibarət olmuşdur.

23-26 iyun tarixlərində UNEC Beynəlxalq Magistratura və Doktorantura Mərkəzinin təşkilatçılığı, PAŞA Holdinq Şirkətlər qrupunun baş sponsorluğu, Fil Agency-nin təşkilati dəstəyi və kreativ tərəfdaşlığı, Facemark MMC-nin təşkilati dəstəyi ilə IV İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı keçirilib.

22-25 iyun 2023-cü il tarixində Heydər Əliyev Mərkəzində II  İdarəetmə Sahəsində Tədqiqatçıların Beynəlxalq Elmi Konfransı keçirilib.

1-3 dekabr 2021-ci ildə UNEC İQTİSADİ FORUMU keçirilmişdir.

5 panel üzrə 30-dək, o cümlədən 20-yə qədər nüfuzlu xarici spikerlərin çıxış etdiyi Forumun ana devizi “Zəfər Yolu”dur. Eyni zamanda Nobel mükafatı laureatları, dünyanın tanınmış iqtisadçıları ilə xüsusi müzakirələr və gənc alimlərin və Beynəlxalq Elm Olimpiadaların qalibi olan şagirdlərin görüşləri, yeni kitabların təqdimatları, sərgilər və başqa maraqlı tədbirlər həyata keçirilib.

Ölkəmizdə ilk dəfə Bakı Su İnnovasiya Forumu (Water İnnovation Forum Baku) 17 may 2022-ci il tarixində Baku Marriott Hotel Boulevard-da keçirilmişdir. Bakı Su İnnovasiya Forumu (Water İnnovation Forum Baku) sudan səmərəli istifadə,  bu sahədə optimal  həll yolları və mütərəqqi texnologiyalardan istifadə, çirkab (tullantı) suların idarəedilməsi, təkrar emalı və ətraf mühitə təsirləri, suyun keyfiyyətinin idarəedilməsi, ölçü və nəzarət texnologiyaları mövzularına həsr edilmişdir.

30 may 2023-cü il tarixində Baku Marriott Hotel Boulevard-da Xəzər Su İnnovasiya Forumu keçirilmişdir.

Ölkəmizin biznes sahəsindəki ən iri həcmli və davamlı, eyni zamanda marketinq sahəsinin ilk forumu olan Milli Marketinq Forumu 2013-cü ildən etibarən keçirilməkdədir. 

7 paneldən ibarət olan və 2 gün davam edən 8-ci Milli Marketinq Forumu 300-dən çox şirkətdən 500-dən çox mütəxəssis və rəhbərin iştirakı ilə 10-11 iyun tarixlərində Bakı Bulvar Marriott oteldə keçirilib.

Milli İnsan Resursları Forumunun qarşıya qoyduğu əsas hədəfi insan resursları idarəçiliyi üzrə peşəkar spikerlərin çıxışı və yaradılacaq müzakirə mühiti ilə bu mövzunu gündəmə gətirmək, əsas səbəbləri təhlil edərək həll yolları üzərində fikir mübadiləsi aparmaqdır. 

2015-ci ildən etibarən təşkil olunan MİRF - Milli İnsan Resursları Forumu bu il "Gələcəyə dəyər" şüarı ilə 6 may 2023-cü tarixində VI dəfə keçirilmişdir.

Bu il VI dəfə "Facemark" MMC təşkilatçılığı və "Code Academy" baş sponsorluğu ilə keçirilən “Digital Marketing Conference” 11 iyun 2023-cü il tarixində “Four Seasons Hotel Baku”da baş tutdu!

Rəqəmsallaşaraq böyüyən, qloballaşaraq bütünləşən müasir biznes modeli ilə gələcəyin marketoloquna çağırış edən konfransın ana devizi “Rəqəmsal Minimalizm”dir.

“Rəqəmlərin ritmi” şüarı ilə 11 mart 2023-ci il tarixində “Baku Marriott Hotel Boulevard”da 600 nəfərin iştirakı ilə Vergi və Mühasibatlıq Zirvəsi keçirilib.

“Facemark” MMC və “Good Finance” MMC-nin təşkilatçılığı, “Meqa Həyat Sığorta” ASC-nin baş sponsorluğu, “Business Management School” MMC, “Başkent” restoranlar şəbəkəsi, “Unilegal Consulting” şirkətinin, “Balli Bisi” şirniyyat evi və  "Pro Team Consulting & Outsourcing" şirkətinin, SİMA rəqəmsal imzanın şirkətinin dəstəyilə 600 nəfərədək şirkət nümayəndələrinin iştirakı ilə baş tutan zirvə ölkəmizdə vergi və mühasibatlıq sahəsinin inkişafına dəstəyi və sahə üzrə yerli kadrların daha da təkmilləşdirilməsini həyata keçirib.

İyunun 21-22-də Əmək və Əhalinin Sosial Müdafiəsi Nazirliyi və Dövlət Məşğulluq Agentliyinin birgə təşkilatçılığı ilə “İnsan Resursları Sammiti” (İRZBAKI2023) keçirilib. Ölkəmizin İnsan Resurslarının idarə edilməsi sahəsində aparıcı mütəxəssis və peşəkarlar bir araya gələrək bu sahədəki problemləri və inkişaf perspektivlərini dövlət və özəl sektorun prizmasından müzakirə ediblər. Tədbirdə yerli və beynəlxalq məruzəçilərin, eləcə də ölkədə bu sahədə maraqlı olan şəxslərin iştirakı ilə sadalanan istiqamətlər üzrə müzakirələr aparılıb.

Azərbaycan Respublikasının Səhiyyə Nazirliyi, “Tibbi Ərazi Bölmələrini İdarəetmə Birliyi” (TƏBİB), İctimai Səhiyyə və İslahatlar Mərkəzi (İSİM)“, “Sağlam Ailə” Tibb Mərkəzi və “Facemark” şirkətinin ortaq təşkilatçılığı,  VISA şirkətinin baş sponsorluğu ilə ölkədə ilk dəfə keçiriləcək Səhiyyə Menecmenti Zirvəsi 16 noyabr tarixində “Baku Marriott Hotel Boulevard”da təşkil olunmuşdur.

Tədbir Ümummilli Lider Heydər Əliyevin 100 illik yubileyinə həsr olunmuş Azərbaycan Sənaye Təhlükəsizliyi Assosiasiyası və Azərbaycan Dövlət Əməyin Mühafizəsi və Təhlükəsizlik Texnikası Elmi Tədqiqat İnstitutunun birgə təşkilatçılığı,  BP Azərbaycan şirkətinin baş sponsorluğu və “Facemark” şirkətinin təşkilati dəstəyi ilə ölkəmizdə ilk dəfə keçirilmişdir.

Təhsil Menecmenti Zirvəsi 23 noyabr 2023-cü il tarixində "Baku Marriott Hotel Boulevard"da "Roof Academic Training" və "Facemark" şirkətlərinin birgə təşkilatçılığı ilə keçirilmişdir.

Ümummilli Lider Heydər Əliyevin 100 illik yubileyinə həsr olunmuş Təhsilin İnkişafı Forumu Azərbaycan Respublikası Elm və Təhsil Nazirliyi və Təhsilin İnkişaf Fondunun təşkilatçılığı ilə 1 noyabr Gülüstan Sarayında keçirilmişdir.